ຫມົດເວລາເຕະເອົາບົດຮຽນແລ້ວ ສຳລັບນັກເຕະຊາຍທີມຊາດກຳປູເຈຍ ລຸ້ນອາຍຸບໍ່ເກີນ 22 ປີ ຫລື U22 ທີ່ຜົນງານກຳລັງມາແຮງໃນຊີເກມ ພັດທະນາຜົນງານຂື້ນມາທຽບເທົ່າທີມລະດັບຕົ້ນຂອງອາຊຽນ ລ້າສຸດເອົາຊະນະທີມລະດັບແຊັມຊີເກມຫລາຍສະໄຫມຢ່າງ ມາເລເຊຍ ໄດ້ສຳເລັດ 3-1 ໂດຍອອກນຳກ່ອນ 3 ປະຕູ ເຮັດໃຫ້ຕອນນີ້ ທີມຊາດກຳປູເຈຍມີໂອກາດເຂົ້າຮອບຮອງຊະນະເລີດສົດໃສ ເພາະຕອນນີ້ລົງແຂ່ງແລ້ວ 4ນັດ ຊະນະ 2 ນັດ ສະເຫມີ 1 ນັດ ແລະ ເສຍ 1 ນັດ ມີ 7 ຄະແນນ ປະຕູ +6 ເປັນອັນດັບ 2 ຂອງກຸ່ມ A ລໍຖ້າພຽງແຕ່ຜົນການແຂ່ງຂັນຢ່າງເປັນທາງການຄູ່ລະຫວ່າງ ຟິລິບປິນ ແລະ ຕີມໍເລສເຕ.
ไม่มีความคิดเห็น:
แสดงความคิดเห็น