"ທ່າຝຣັ່ງ​ ວັງສີຄາມ"​ ງາມກວ່າວັງວຽງ ແມ່ນແທ້ຫວາ?​

ທ່າຝຣັ່ງ​ ວັງສີຄາມ

     "ທ່າຝຣັ່ງ​" ເປັນແຫລ່ງທ່ອງທ່ຽວທາງທຳມະຊາດແຫ່ງໃຫມ່ ທີ່ນັກທ່ອງທ່ຽວທັງພາຍໃນ​ ແລະ​ ຕ່າງປະເທດ ກຳລັງໃຫ້ຄວາມສົນໃນໃນຂະນະນີ້.

    "ທ່າຝຣັ່ງ" ຢູ່ແຄມແມ່ນ້ຳໂດນ ສາຍນ້ຳທີ່ໄຫລຜ່ານເປັນສີຟ້າຄາມໄຫລອອກມາຈາກພູຫີນປູນ.​ "ທ່າຝຣັ່ງ"​ຕັ້ງຢູ່ເຂດບ້ານ ທອກ ຫ່າງຈາກເທດສະບານເມືອງ ທ່າແຂກ​ປະມານ​ 10ກິໂລແມັດ ຕາມເສັ້ນທາງເລກທີ 12.

"ທ່າຝຣັ່ງ"​ ໃນປະຫວັດສາດ ສະໄຫມລ່າເມືອງຂື້ນຝຣັ່ງ​ ຮຸກຮານອິນດູຈີນ ໄດ້ລຳລຽງສະບຽງອາຫານມາຕາມລຳແມ່ນ້ຳໂດນ ແລະ​ ທະຫານຝຣັ່ງກໍ່ໄດ້ບັງຄັບໃຫ້ຄົນລາວຂົນເຄື່ອງຂື້ນຢູ່ບໍລິເວນແຄມນ້ຳແຫ່ງນີ້ ຊາວບ້ານເຂດນີ້ເລີຍເອີ້ນທ່ານ້ຳນີ້ວ່າ "ທ່າຝຣັ່ງ".

   ປະຈຸບັນ​ ແຂວງ​ ຄຳມ່ວນ​ ໄດ້ອະນຸຍາດໃຫ້ບໍລິສັດ ເຄເຄ ຂົນສົ່ງ​ ແລະ​ ບໍລິການ​ ຈຳກັດ​ ຊື່ງເປັນບໍລິສັດເອກະຊົນລາວ​ ໄດ້ຮັບສຳປະທານພັດທະນາໃຫ້ເປັນແຫລ່ງທ່ອງທ່ຽວ "ທ່າຝຣັ່ງ" ໃນເນື້ອທີ່ປະມານ 15​ ເຮັກຕາ​ ເປັນເວລາ​ 50ປີ ແລະ​ ໄດ້ເປີດບໍລິການແລ້ວໃນທ້າຍປີ 2018​ ທີ່ຜ່ານມາ.​