ສະຫລຸບຜົນງານຂອງທັບນັກກິລາລາວ ໃນຊີເກມ 2019 ຄັ້ງທີ 30 ທີ່ປະເທດ ຟີລິບປິນ ໃນວັນທີ 1 ທັນວາ 2019 ຄວ້າມາໄດ້ 2 ຫລຽນ ທອງແດງ ຈາກກິລາກະຕໍ້ລອດບ້ວງ ປະເພດຍິງ 1 ຫລຽນ ແລະ ກິລາກະຕໍ້ລອດບ້ວງ ປະເພດຊາຍ 1 ຫລຽນ ເຮັດໃຫ້ຕອນນີ້ ສປປ ລາວມີ 2 ຫລຽນ ທອງແດງ ຢູ່ອັນດັບທີ 10 ຂອງຕາຕະລາງ.
ສ່ວນຜົນກິລາບານເຕະຊາຍ ໃນວັນທີ 1 ທັນວາ 2019 ທີມຊາດລາວ ພົບກັບ ທີມຊາດບຣູໄນ ຜົນປະກົດວ່າທີມຊາດລາວຊະນະໄປ 3-0 ໄດ້ປະຕູຈາກ: ສຸກອາພອນ ວົງຈຽງຄຳ ນາທີ 18, ບຸນພະຈັນ ບຸນກອງ ນາທີ 52, 67.
ທີມຊາດລາວ ລົງສະຫນາມ 3 ນັດ ຊະນະ 1 ສະເຫມີ 1 ເສຍ 1 ມີ 4 ຄະແນນ ຢູ່ອັນດັບ 4 ກຸ່ມບີ ສຳລັບນັດຕໍ່ໄປ ທີມຊາດລາວ ຈະລົງສະຫນາມ ພົບກັບ ທີມຊາດໄທ ໃນວັນທີ 03 ທັນວາ 2019 ເວລາ 15:00 ແຂ່ງຂັນຢູ່ທີ່ສະຫນາມ RIZAL MEMORIAL STADIUM.
ສ່ວນຜົນການແຂ່ງຂັນກິລາວູຊູ ວັນອາທິດ 01 ທັນວາ 2019 ນັກກິລາ ວູຊູ ທີມຊາດລາວມີການແຂ່ງຂັນຢູ່ 3 ຮຸ່ນ ໃນຮອບກ່ອນຮອງຊະນະເລີດ ຄື:
- ຮຸ່ນນ້ຳຫນັກ 49 ກິໂລກຣາມ
ຄຳພີ ແກ້ວວິໄລສອນ ຈາກລາວ ເສຍໃຫ້ PERMANA ADE ຈາກ ອິນໂດເນເຊຍ 0-1
- ຮຸ່ນນ້ຳຫນັກ 56 ກິໂລກຣາມ
ຄຳຫລ້າ ສຸຂະພອນ ຈາກລາວ ເສຍໃຫ້ WIDIYANTO YUSUF ຈາກ ອິນໂດເນເຊຍ 0-2
- ຮຸ່ນນ້ຳຫນັກ 64 ກິໂລກຣາມ
ບຸນເພັງ ຫລວງສຸວັນ ຈາກ ເສຍໃຫ້ SUKSANGUAN KITTISAK ຈາກໄທ 0-2
ອີກຫນື່ງຊະນິດກິລາທີ່ແຂ່ງຕອນເຊົ້າ ວັນອາທິດ 01 ທັນວາ 2019 ແຂ່ງຂັນຢູ່ທີ່ສະຫນາມ RIZAL MEMORIAL TENNIS CENTERເທນນິສ ປະເພດດ່ຽວຊາຍ ຮອບທຳອິດ ສະຖາພອນ ສິມມາລາວົງ ເສຍໃຫ້ Antonio Mendes ນັກກິລາເຈົ້າພາບ ຟີລິບປິນ 0-2 ເຊັດ 1/6, 1/6
ລໍຖ້າລຸ້ນນຳກັນວ່າ ໃນວັນທີ 2 ທັນວານີ້ທັບນັກກິລາລາວຈະສາມາດຍາດຫລຽນມາສະຫລອງວັນຊາດ 2 ທັນວາ ໄດ້ຫລືບໍ່...
Source: Lao Su Su ລາວ ສູ້ ສູ້
ไม่มีความคิดเห็น:
แสดงความคิดเห็น