ເທດສະການ ສະຫວັນສຸກສັນຫັນສາ ຫລືວ່າ Savan Fun Fest (Vintage festival) ໄດ້ຈັດຂຶ້ນເປັນຄັ້ງທຳອິດຢູ່ ນະຄອນໄກສອນພົມວິຫານ ແຂວງ ສະຫວັນນະເຂດ ອີງຕາມການໂພສຂອງຫນື່ງໃນຜູ້ຈັດງານຄັ້ງນີ້ "ທ່ານ ອິນທີ ເດືອນສະຫວັນ" ເຮັດໃຫ້ແອັດມິນຮູ້ສືກຕື້ນຕັນໃຈຫລາຍທີ່ຄົນລາວເຮົາເອງມີແນວຄິດຢາກພັດທະນາການທ່ອງທ່ຽວພາຍໃນໃຫ້ຄືກຄື້ນ...
ຄວາມຝັນ, ຄວາມຜູກພັນ, ຄວາມຊົງຈຳໃນອາດີດ, ຄວາມເຊື່ອຕໍ່ກັບສີ່ງມີຄ່າທີແອບຊ້ອນຢ່າງຫລວງຫລາຍໃນປະຕິມາກຳເກົ່າແກ່ທີ່ແຝງໄປດ້ວຍເລື່ອງລາວທີ່ຫນ້າຄົ້ນຫາທີ່ນະຄອນໄກສອນແຫ່ງນີ້... ຂອງຜູ້ຊາຍທີ່ຊື່ เลัก ໃບຫມ້ຽງ, ເຊີ່ງຂ້າພະເຈົ້າເອງກໍ່ເບີ່ງເຫັນແຈ້ງ ແລະ ມີຄວາມເຊື່ອ ວ່າສະຖານທີ່ແຫ່ງນີ້ຖ້າຖືກເຈຍລະໃນໃຫ້ຖືກແບບ, ມັນຈະເປັນເພັດມີລາຄາອີກເມັດຫນຶ່ງຂອງການທ່ອງທ່ຽວຂອງລາວເຮົາ.
ຈຸດເລີ່ມຕົ້ນຂອງງານນີ້ແມ່ນເກີດຂື້ນຜ່ານການສົນທະນາຢູູ່ໂຕະເບຍ ໃນໄລຍະກາງປີ 2018 ຫລັງຈາກນັ້ນ ໄດ້ຖືກຕິດຕາມ ແລະປະສານງານ ແບບຈີງຈັງ ຈາກແນວຮ່ວມຫມູ່ຮັກແພງຂ້າພະເຈົ້າ ທ່ານ ທົງໄຊ ບໍລິສັດ SK, ນັກທຸລະກິດທ່ອງທ່ຽວ ທີ່ມີປະສົບການໃນແວດວົງທ່ອງທ່ຽວ20ກວ່າປີ, ທ່ານ ນາງ ລຽນ ເຈ້ໃຫ່ຍຂອງແວດວົງການທ່ອງທ່ຽວສະຫວັນນະເຂດ, ທັງເປັນປະທານສົດໆ ຮ້ອນໆຂອງ ກຸ່ມບໍລິສັດທ່ອງທ່ຽວແຂວງສະຫວັນນະເຂດ,ທັງເປັນປະທານ ບໍລິສັດທ່ອງທ່ຽວ Goldend Land.
ຮູບແບບຂອງງານ Savan Fun fest (Vintage festival) ເປັນການລິເລີ່ມ ງານທຳອິດໃນເມືອງແຫ່ງນີ້ມັນຈື່ງເຮັດໃຫ້ການດຳເນີນວຽກມີອຸປະສັກພໍສົມຄວນ, ຜູ້ອຸປະຖຳກໍ່ຫນ້ອຍເນື່ອງຈາກພວກເຮົາບໍ່ໄດ້ມີprofile ຂອງການຈັດງານ, ອຳນາດການປົກຄອງບາງທ່ານກໍ່ບໍ່ຫມັ້ນໃຈວ່າງານນີ້ຈະສ້າງຄວາມສົນໃຈໃຫ້ມີຄົນມາທ່ຽວ, ຜູ້ປະກອບການຮ້ານຂາຍເຄື່ອງຢູ່ບໍລິເວນດັ່ງກ່າວກໍ່ບໍ່ພໍໃຈທີ່ເຮົາຕ້ອງຂໍຍັບຮ້ານຂາຍເຄື່ອງເພີ່ນມາຕິດຖະຫົນທາງຂອບທາງເພື່ອໃຫ້ລານຕະຫລາດກາງຄືນເປັນລານເດີ່ນໃຫຍ່ກວ່າເກົ່າ, ປະຊາຊົນທີ່ດຳລົງຊີວິດໃນເຂດນັ້ນກໍ່ບໍ່ພໍໃຈທີ່ພວກເຮົາຕ້ອງປິດຖະຫນົນເພາະມັນເປັນອຸປະສັກກັບເພີ່ນເວລາລົດເຂົ້າອອກ... ພວກເຮົາໂຊກດີຫລາຍທີ່ມີເຈົ້ານະຄອນໄກສອນພົມວິຫານ ທ່ານ ດຣ ແສງທອງ ວັງແກ້ວມະນີ, ທ່ານເຈົ້າແຂວງ ສະຫວັນນະເຂດ ທ່ານ ສັນຕິພາບພົມວິຫານ ແລະ ພາກລັດອີກຫລາຍທ່ານ ທີ່ໄດ້ເປັນຫົວຮອກອັນສຳຄັນໃນການຜ່ານຜ່າບັນດາອຸປະສັກ, ຄວາມຊ່ວຍເຫລືອຈາກອາສາສະຫມັກຫລາຍກວ່າສາມຮ້ອຍຊີວິດ, ຫມູ່ຄູ່... ທີ່ໄດ້ຜັກດັນຈົນງານນີ້ໄດ້ເກີດຂຶ້ນ ແລະດຳເນີນສາມວັນເຕັມແບບເກີນຄາດຫມາຍ, ປະຊົນຊົນ, ນັກທ່ອງທ່ຽວພາຍໃນຕ່າງປະເທດເປັນຈຳນວນມະຫາສານ ປະທັບໃຈ, ຄົນຂາຍເຄື່ອງຂາຍເຄື່ອງຈົນກ້ຽງ(ເອົາມາເທົ່າໃດກໍ່ຫມົດ), ນັກດົນຕີ, ນັກສິນລະປີນ, ຈິດຕະກອນ ໄດ້ຮັບຄວາມສົນໃຈເກີນຄາດ, ໂຮງແຮມ, ຮ້ານອາຫານ, ຮ້ານຂາຍເຄື່ອງແຫນ້ນໄປຕາມໆກັນ, ງານດຳເນີນໄປດ້ວຍຄວາມມ່ວນຊື່ນ ແລະ ສະຫງົບ, ຊຸມຊົນເລີ່ມເຫັນທັງຄຸນຄ່າຂອງເຂດເມືອງເກົ່າທີ່ພວກເພີ່ນມີເປັນຂຸມຊັບ...
ສຳລັບທີມງານພວກເຮົາຕອນນີ້ກຳລັງສະຫລຸບຄ່າໃຊ້ຈ່າຍຂອງງານເພື່ອໄລ່ລຽງເຊີ່ງຕອນນີ້ທຸກຄົນກໍ່ຮູ້ພໍຄ້າວໆວ່າຫນ້າຈະຂາດທຶນ 55555, ແຕ່ພວກເຮົາພ້ອມແລ້ວເພາະກຳໄລຂອງພວກເຮົາແມ່ນງານນີ້ມັນອອກມາດີເກີນຄາດກວ່າທີ່ພວກເຮົາຄິດໄວ້ພຽງເທົ່ານີ້ກໍ່ເກີນພໍແລ້ວ.
ຂອບໃຈນຳທຸກໆຄົນທີ່ມາຮ່ວມເປັນກຳລັງໃຈແລະຊ່ວຍຂັບເຄື່ອນງານນີ້ອອກມາຈົນສຳເລັດ. #Savanfunfest
ຂອບໃຈພາບຂ່າວຈາກ: Inthy Deuansavanh
ไม่มีความคิดเห็น:
แสดงความคิดเห็น